إنا لله و إنا إليه راجعون

السلام عليكم و رحمة الله و بركاته

إنا لله و إنا إليه راجعون ,اللهم أجرنا فى مصيبتنا واخلفنا خيرا منها , فعلا و كفى بالموت واعظا .
أنا  ممكن كنت أبقى بكتب البوست ده عن ستيف جوبز من كام يوم , و فعلا موته (من وجهة نظرى) خسارة على الابداع اللى فى العالم , لكن ربنا إن شاء الله هيبدلنا خير منه , بإن يكون المبدع القادم واحد مسلم شايل هم الدين و مبدع زيه و أكتر إن شاء الله و يغير مسار العلم و يكونوا كتير كمان مش واحد بس و تبقى التكنولوجيا عند المسلمين و هك اللى يصدروها للغرب , أنا عارف إن كل دى أحلام لكن إن شاء الله تتحقق.

أنا أصلا ببعت البوست ده عشان أنعى واحد قريبى توفاه الله النهاردة الصبح و هو رايح شغله , حصله حادثة و كده و هو كان لسه شاب برده عنده أطفال فى اعدادى و ممكن فى أول مرحلة الثانوى , ربنا يصبرهم و يخلفهم خيرا منه , و الراجل ده كان بجد طيب أوى و خدوم و بيصل رحمه و بسيط جدا ربنا يرحمه و يثبته عند السؤال, أنا شوية و رايح أصلى عليه إن شاء الله .

ادعوله بالرحمة و إن قبره يكون روضة من رياض الجنة و إن ربنا يصبر أهله و إن شاء الله تكون جنازة فيها ناس كتير.

و يا رب نتعظ بقى و نعرف إن الموت ملهوش سن و نبطل معاصى ( أنا بقول كده لنفسى قبل أى حد)

و ادعوله إن ربنا ينوله مراتب الشهداء عشان مات و هو بيحاول يروح مكان عمله و يكف أهله عن المسألة (معرفش هل اللى بقوله صح شرعيا وللا لأ فلو غلط يا ريت حد يصلح)

السلام عليكم