مصروفى

I want to share with you in this post my adventure at ALex Startup weekend from 22-24 September 2011 :) .
this is a link for a blog post talking about the event for those who didn't hear about it:"http://eslam.me/blog/startup-weekend-alexandria/".

I want to tell you the idea of the app I presented there and I hope to hear many feedbacks from u to improve it and to tell me ur opinion if it's really useful or not.

دلوقتى أنا قلبت عربى مخصوص عشان خاطر حاتم حبيب قلبى :) :

المهم , الفكرة اسمها مصروفى , مضمونها باختصار انك تعمل برنامج على الموبايلات اللى بتفهم :) زى أى فون و أندرويد عشان تحول واحد مسرف بيضع فلوسه على أى حاجة لواحد مقتصد عارف بيصرف فلوسه فى ايه.

مبدئيا البرنامج ده موجود منه كتييييييير أوى  بس مليان مشاكل كتيرة بتؤدى فى الآخر إن الناس مش بتدخل المعلومات اليومية عن مصاريفها و بالتالى الهدف الأساسى من البرنامج بيضيع و بيفضل المسرف مسرف .

أحب الأول أتوجه بخالص شكرى و امتنانى لأحمد عبدالعزيز غلاب(زيزو) اللى قام بمجهود جبار عشان يكود الفكرة و نعرف نقدمها بشكل حلو يعجب الناس .

 بعد كلام كتير مع الناس اتضح ان المشكلة موجودة فى تلات محاور :) : ادخال أنا صرفت قد ايه بشكل غبى بسبب القوائم و قرفها , السبب التانى بقى هو إنى مضطر كل ما أدفع حاجة أقوم مطلع الموبايل عشان مانساش , و التالتة بقى الحافز اللى يخلينى أعمل الموضوع ده فترة كبيرة و يخيلنى أستخدم البرنامج ده و مش أى واحد تانى .

فى البوست ده هنكتفى بالكلام عن أول سبب و ده اللى ركزت عليه أنا و زيزو فى الايفينت و إن شاء الله للحديث بقية :) .

ببساطة شديدة , أى حد فيكم عنده أندرويد أو أى فو يدور على برنامج من دول سهل التعامل معاه , هتلاقى أكتر من ٩٠٪ منهم بيستسهل فى البرمجة و يصعب على المستخدم ادخال الداتا ,  و ده بيخليه يبطل يستخدم البرنامج بعد فترة قليلة , أنا فكرت بقى انى أدلع المستخدم و أجيب صور للعملات من ربع جنيه للمائتين جنيه و أجخلى المستخدم يحس إنه بيدفع فلوس بجد من خلال البرنامج و أسمعه صوت الفلوس كمان  و إن شاء الله المرة الجاية أوريكم صور أو فيديو الديمو اللى عملناه أنا و زيزو.

 فى أفكارحلوة بردو ممكن نعملها : إنك تنفخ فى الميك الفلوس تطير (بتاعة زيزو) , أو إنك تهز الموبايل تقوم الكوينز تشخشخ كدة و تنزل(بتاعة واحد قابلته هناك) , يعنى من الآخر فى مرونة إن أى حد عاجبه طريقة يصلرف بيها احنا ممكن نعملهاله .

أنا شايف إنى كدة طولت عليكم , فأنا هعمل بنصيحة حاتم و أقوللكم إلى لقاء آخر إن شاء الله و مستنى تعليقاتكم  و بطلوا كسل بقى و علقوا :).